चिचोंडी पाटील : (प्रतिनिधी)
स्मार्टकेम टेक्नॉलॉजीज लि. पुणे (महाधन) व नगर तालुक्यातील चिचोंडी पाटील येथील गजानन कृषी सेवा केंद्र आयोजित कांदा पीक परिसंवाद कार्यक्रमास शेतकरी मोठ्या संख्येने उपस्थित होते.
झोनल मार्केटिंग मॅनेजर (महाधन) कांदा तज्ञ बिपिन चोरगे यांनी शेतकऱ्यांना कांदा पिका विषयी सखोल मार्गदर्शन केले. शेतकऱ्यांनी आपल्या समस्या मांडल्या. शेतकऱ्यांच्या समस्या जाणून घेऊन त्यावर योग्य मार्गदर्शन करून उपाययोजना सुचविल्या.
कांदा पिक लागवडीची योग्य पद्धत, योग्य प्रमाणावर खते, पाण्याचे उत्तम व्यवस्थापन,कांदाचाळी मध्ये कशाप्रकारे साठवावा आदी विषयांवर मार्गदर्शन केले. कांदा पिकाचे भरघोस उत्पादनासाठी महाधन कंपनीचे क्रॉपटेक हा नवीन खताचा प्रकार शेतकऱ्यांसाठी उपयुक्त असल्याची माहिती चोरगे यांनी दिली. कांदा पिकाच्या भरघोस उत्पादनासाठी लागणारी सर्व खते गजानन कृषी सेवा केंद्र मध्ये उपलब्ध असल्याची माहिती कार्यक्रमाचे आयोजक सचिन नालकुल यांनी दिली.शेतकऱ्यांशी संवाद साधून त्यांच्या शंकांचे निरसन केले. कांदा पिकाच्या उत्पादन वाढीसाठी करावयाच्या उपाययोजना सुचविल्या.पिकास पाणी देण्याची योग्य वेळ,खत देण्याची योग्य वेळ,कांदा पिकास किती प्रमाणात खते द्यावीत, कोणती खते द्यावीत,पिकाचे उत्पादन घेताना कोणत्या चुका करू नयेत,कांदा सडू नये त्याबद्दल करावयाचे उपाय योजना याबद्दल परिसंवाद कार्यक्रमात सखोल मार्गदर्शन केले. या कांदा पीक परिसंवाद कार्यक्रमास शेतकरी बांधवांचा मोठ्या प्रमाणावर उत्स्फूर्त प्रतिसाद मिळाला.
कार्यक्रमाच्या अध्यक्षस्थानी शिक्षक नेते आबासाहेब कोकाटे सर होते.
याप्रसंगी पंचायत समितीचे मा. सभापती प्रवीण कोकाटे,एरिया सेल्स मॅनेजर राकेश पाटील,माजी वनाधिकारी किसन आगलावे, उद्योजक सचिन नालकुल,मार्केट कमिटीचे माजी संचालक बाजीराव हजारे,चंद्रकांत पवार,भातोडीचे मा.सरपंच राजूभाई पटेल, अजय हजारे,अशोक तरटे, मा.सरपंच भरत लबडे,दत्ता मिसाळ यांसह शेतकरी बांधव मोठ्या संख्येने उपस्थित होते.
कांदा पीक परिसंवाद कार्यक्रमासाठी परिसरातील शेतकरी उपस्थित राहिले त्याबद्दल गजानन कृषी सेवा केंद्राच्या वतीने कार्यक्रमाचे आयोजक सचिन नालकुल यांनी आभार मानले. कृषी विभागाचे कृषी सहाय्यक सरोदे यांनी पीक पाहणी व शासकीय योजनांविषयी माहिती दिली.
