जिल्हा शल्य चिकित्सकासह 4 जण निलंबित व दोन नर्स बडतर्फ -आरोग्यमंत्री राजेश टोपे

 

मुंबई प्रतिनिधी : (सोहेल मनियार)

अहमदनगर जिल्हा रुग्णालयातील कोरोना अतिदक्षता विभागातील अग्निकांड प्रकरणी राज्य सरकारने कठोर पाऊल उचलत मोठी कारवाई केली आहे. या प्रकरणी जिल्हा शल्य चिकित्सक डॉ. सुनील पोखरणा यांच्यासह वैद्यकीय अधिकारी डॉक्टर सुरेश ढाकणे वैद्यकीय अधिकारी डॉक्टर विशाखा शिंदे आणि स्टाफ नर्स सपना पठारे यांचा समावेश आहे तर स्टाफ नर्स आस्मा शेख आणि स्टाफ नर्स चंदा अनंत त्यांची सेवा समाप्त करण्यात आल्याचे आरोग्य मंत्री राजेश टोपे यांनी सांगितले. अहमदनगर जिल्ह्यात घडलेल्या दुर्दैवी दुर्घटनेच्या प्राप्त झालेल्या माहितीच्या आधारे ही कारवाई करण्यात आली असल्याचे आरोग्य मंत्री राजेश टोपे यांनी सांगितले.

अहमदनगर जिल्हा रुग्णालयातील अतिदक्षता विभाग लागलेल्या भीषण आगीत 11 त्यांना आपला जीव गमवावा लागला.या घटनेने संपूर्ण देशभर हळहळ व्यक्त करण्यात आली.या दुर्घटनेवरून विरोधकांनी सरकारवर जोरदार हल्ला चढवत ताशेर ओढले आहेत.या पार्श्‍वभूमीवर राज्याचे आरोग्य मंत्री राजेश टोपे यांनी या प्रकरणी उच्चस्तरीय चौकशी अहवाल आठ दिवसात सादर करण्याचे आदेश दिले होते. दरम्यान या दुर्घटनेतील मृतांच्या कुटुंबियांना राज्य शासनाकडून पाच लाख रुपये व राज्य आपत्ती निधीमधून दोन लाख रुपये अशी सात लाख रुपयांची मदत जाहीर करण्यात आली आहे.

पत्रकार सोहेल मनियार

 9284856967