आठवडच्या उपसरपंचपदी उषाताई मोरे यांची निवड

 

नगर तालुक्यातील स्मार्ट ग्राम आठवड च्या उपसरपंचपदी उषाताई मोरे यांची बिनविरोध निवड झाल्याबद्दल सत्कार करताना सरपंच राजेंद्र मोरे व सर्व सदस्य ...(छाया : सोहेल मनियार)

चिचोंडी पाटील : (प्रतिनिधी)

नगर तालुक्यातील स्मार्ट ग्राम पुरस्कार प्राप्त आठवड गावचे उपसरपंच बाबासाहेब मोरे यांनी राजीनामा दिल्यामुळे उपसरपंच पद रिक्त झाले होते त्या पदासाठी दि.२२ रोजी निवडणूक प्रक्रिया पार पडली उपसरपंचपदी श्रीमती उषाताई मोहन मोरे यांची बिनविरोध निवड करण्यात आली.

निवडणूक प्रक्रियेत अध्यक्ष अधिकारी म्हणून सरपंच राजेंद्र मोरे यांनी काम पाहिले व सचिव म्हणून ग्रामसेवक कोतकर भाऊसाहेब यांनी काम पाहिले.

याप्रसंगी सरपंच राजेंद्र मोरे,नूतन उपसरपंच उषाताई मोरे,माजी उपसरपंच बाबासाहेब मोरे,शरद मोरे,भाऊसाहेब लगड,मीराताई मोरे, सविता लगड आदी सदस्य यांसह ग्रामसेवक कोतकर भाऊसाहेब उपस्थित होते.

प्रतिक्रिया- 

बाबासाहेब मोरे यांनी उपसरपंच पदाचा राजीनामा दिल्यामुळे उपसरपंच पदासाठी निवडणूक घेण्यात आली. उपसरपंचपदी माझी बिनविरोध निवड करण्यात आली. त्याबद्दल मी आमचे मार्गदर्शक उद्योजक विजयभाऊ मोरे ,सरपंच राजेंद्र मोरे यांसह सर्व ग्रामपंचायत सदस्यांचे आभार मानते.उद्योजक विजयभाऊ मोरे यांच्या मार्गदर्शनाखाली आठवड गावचा जास्तीत जास्त विकास करण्यासाठी नेहमी प्रयत्नशील राहू.- श्रीमती.उषाताई मोहन मोरे, नूतन उपसरपंच

राष्ट्रीय अन्न सुरक्षा अभियानांतर्गत शेतकऱ्यांना हरभरा बियाणे वाटप

 

दशमीगव्हाण येथे शेतकऱ्यांना हरभरा बियाणाचे वाटप करताना मंडल कृषी अधिकारी बोरुडे, कृषी सहाय्यक सरोदे,बाजार समितीचे संचालक उद्धव कांबळे, सरपंच संगीता कांबळे,उपसरपंच बाबासाहेब काळे आदी उपस्थित...(छाया: सोहेल मनियार)

चिचोंडी पाटील : (प्रतिनिधी)

राष्ट्रीय अन्न सुरक्षा अभियानांतर्गत कडधान्य विकास कार्यक्रम नगर तालुक्यातील दशमीगव्हाण येथे घेण्यात आला.दशमी गव्हाण येथील दोन शेतकरी गटांना नगर तालुका कृषी अधिकारी यांच्या मार्फत हरभरा बियाणे वाटप करण्यात आले.चालू वर्षी मोठ्या प्रमाणात पाऊस झाल्यामुळे शेतकऱ्यांमध्ये आनंदाचे वातावरण आहे.पाणी चांगले असल्यामुळे हमखास यावर्षी पिकांचे उत्पादन ही भरघोस निघणार आहे.

कृषी मंडळ अधिकारी बोरुडे यांनी बीज प्रक्रिया कशी करायची याचे मार्गदर्शन केले. हरभऱ्याची लागवड,खते,पाणी पुरवठा, कीटकनाशके याविषयी शेतकऱ्यांना मार्गदर्शन केले. शेतकऱ्यांचे पिकांसंबंधी असलेल्या शंकांचे निरसन यावेळी करण्यात आले.

हरभरा बियाणे उपलब्ध करून दिल्याबद्दल ग्रामस्थांच्या वतीने सरपंच संगीता उद्धव कांबळे यांनी आभार मानले.

यावेळी बाजार समितीचे संचालक उद्धवराव कांबळे,सरपंच संगीता कांबळे,उपसरपंच बाबासाहेब काळे,कृषी मंडल अधिकारी बोरुडे,कृषी सहाय्यक सरोदे, सोसायटीचे चेअरमन बाळासाहेब काळे,विजय काळे,भाऊसाहेब काळे,लक्ष्मण काळे,पोलीस पाटील जयसिंग काळे,सुधीर सर, सुरेश काळे,अरुण काळे,रामेश्वर काळे,शिवाजी काळे,राजेंद्र काळे,किरण काळे,गंगाधर काळे, बाबासाहेब मेजर,काशिनाथ मेजर,बहिरू काळे,इरफान शेख, बाळासाहेब कांबळे इत्यादी शेतकरी मोठ्या संख्येने उपस्थित होते.

भरदिवसा डोक्यात दगड घालून एकाचा खून

 

अहमदनगर : (सोहेल मनियार)

नगर तालुक्यातील वाळकी येथे  सायकल लावण्याच्या किरकोळ कारणावरून दोन शेजारी मध्ये वाद झाले या वादात जावेद गनी तांबोळी या नावाची व्यक्ती मयत झाली. अशी  प्राथमिक माहिती नगर तालुका पोलिसांना समजली आहे .घटनास्थळी नगर तालुका पोलिस दाखल झाले. पुढील तपास सुरू आहे.

जिल्ह्यातील ही गावे झाली लॉकडाऊन ; कडक निर्बंध लागू

 

अहमदनगर : (प्रतिनिधी)

जिल्हा प्रशासनाने कोरोना प्रसार रोखण्यासाठी दोन दिवसापूर्वी अहमदनगर जिल्ह्यातील 61 गावांमध्ये कडक निर्बंध लागू केले होते.त्यात आता आणखी आठ गावांची भर पडली आहे .नेवासा तालुक्यातील चांदा, पारनेर तालुक्यातील निघोज,वाडेगव्हाण, टाकळी ढोकेश्वर,आळकुटी, संगमनेर तालुक्यातील राजापूर, पिंपरी लौकी,अजमपुर,शेवगाव तालुक्यातील वदुले बु. अशी आठ गावे सिल करण्यात आले आहेत.

दिनांक 5 ते 14 ऑक्टोबर दरम्यान सदर गावात फक्त अत्यावश्यक सेवा खुल्या राहतील. नवरात्र,दसरा, दिवाळीच्या तोंडावर नगर जिल्ह्यात कोरोना व्याप्ती वाढत असल्याने स्थानिक पातळीवर नाराजी व्यक्त होत आहे.

सोहेल मनियार पत्रकार 9284856967