भाजपा अल्पसंख्यांक मोर्चाच्या जिल्हा उपाध्यक्षपदी रफिक (मामु) पटेल यांची निवड

लोकमन महाराष्ट्र न्यूज 

चिचोंडी पाटील : सोहेल मनियार 

भाजपा अहमदनगर दक्षिण अल्पसंख्याक मोर्चा कार्यकारिणी नुकतीच जाहीर झाली. यात रफिक (मामु) इस्माईलभाई पटेल यांची जिल्हा उपाध्यक्षपदी निवड करण्यात आली. रफिक मामू पटेल हे माजी राज्यमंत्री तथा अहमदनगर जिल्हा सहकारी बँकेचे चेअरमन शिवाजीराव कर्डिले यांचे निष्ठावंत कार्यकर्ते आहेत.

महाराष्ट्राचे उपमुख्यमंत्री देवेंद्र फडणवीस, भाजपा प्रदेशाध्यक्ष चंद्रशेखर बावनकुळे, केंद्रीय आरोग्य व कुटुंब कल्याण मंत्री भाजपा अल्पसंख्यांक प्रदेशाध्यक्ष इद्रीस मुलतानी, महसूल मंत्री राधाकृष्ण विखे , खासदार सुजय विखे, आ. राम शिंदे, माजी आमदार तथा जिल्हा बँकेचे चेअरमन शिवाजीराव कर्डिले,अल्पसंख्याक महाराष्ट्र प्रदेश उपाध्यक्ष तथा हज कमिटी सदस्य सलीम बागवान, आ. बबनराव पाचपुते ,आ. मोनिकाताई राजळे यांच्या मार्गदर्शनाखाली भाजपा अहमदनगर जिल्हा उत्तरचे जिल्हाध्यक्ष दिलीप भालसिंग, जिल्हाध्यक्ष तय्यबभाई बेग यांच्या आदेशानुसार भारतीय जनता पार्टी अहमदनगर जिल्हा दक्षिण अल्पसंख्यांक मोर्चाच्या जिल्हा उपाध्यक्षपदी रफिक इस्माईल भाई पटेल यांची निवड करण्यात आली.रफिक मामू पटेल यांनी विविध संघटनांमध्ये काम केले आहे. 

ते कुशल संघटक आहेत. तालुक्यात त्यांचा मोठा मित्रपरिवार आहे. भारतीय जनता पार्टी ने माझ्यावर विश्वास ठेऊन जी जबाबदारी दिली आहे तो विश्वास मी सार्थ ठरविण्यार असून पक्ष संघटना वाढीसाठी प्रचार व प्रसार करणार असल्याचे रफिक (मामू) पटेल यांनी सांगितले.