चिचोंडी पाटील साठी २० लक्ष रुपयांचा निधी मंजूर ; सरपंच मनोज कोकाटे यांच्या प्रयत्नांना यश

 

चिचोंडी पाटील प्रतिनिधी : सोहेल मनियार

भारतरत्न डॉ.बाबासाहेब आंबेडकर सामाजिक न्याय विकास योजनेअंतर्गत चिचोंडी पाटील गावासाठी निधी उपलब्ध व्हावा

 अशी मागणी चिचोंडी पाटील ग्रामपंचायतच्या वतीने मा.आ.निलेशजी लंके  यांच्या मार्फत राज्याचे सामाजिक न्यायमंत्री मा.ना.श्री.धनंजय मुंढे  यांच्याकडे करण्यात आलेली होती.

त्याच मागणीनुसार चिचोंडी पाटील गावासाठी २० लक्ष रुपयांचा भरीव निधी मंजूर झालेला आहे. त्यामध्ये १० लक्ष रुपयांचे रस्ता काँक्रीटीकरण व १० लक्ष रुपयांच्या बंदिस्त गटार कामाचा समावेश आहे.

सदर कामासाठी निधी मंजूर केल्याबद्दल सामाजिक न्यायमंत्री मा.ना.धनंजयजी मुंढे , मा.आ.निलेशजी लंके

ज्यांचे विशेष सहकार्य लाभलेले असे मा.ना.धनंजयजी मुंढे  यांचे स्वीय सहाय्यक पंडितराव खेडकर यांचे चिचोंडी पाटील ग्रामस्थ व ग्रामपंचायतच्या वतीने विशेष आभार सरपंच मनोज कोकाटे यांनी मानले.