ठाकरे - शिंदे सत्तासंघर्षावरील सुनावणी आता 22 ऑगस्टला

 

नवी दिल्ली (प्रतिनिधी) : सोहेल मनियार

महाराष्ट्रातील ठाकरे - शिंदे सत्तासंघर्षाविषयीची मोठी बातमी समोर आली आहे. न्यायालयातील सुनावणी आता पुन्हा पुढे ढकलली आहे.

ठाकरे-शिंदे सत्तासंघर्षाविषयीची सुनावणी आता 22 ऑगस्टला होणार आहे. ही सुनावणी तब्बल 10 दिवस लांबणीवर पडली आहे. मात्र ही सुनावणी लांबणीवर का पडली? हे मात्र अद्याप स्पष्ट झालेलं नाही.

दरम्यान, राज्यातील ठाकरे - शिंदे सत्तासंघर्षावर आधी 8 ऑगस्टला सुनावणी होणार होती. मात्र ही सुनावणी लांबणीवर पडली. त्यानंतर 12 ऑगस्टला ही सुनावणी पार पडणार होती.

मात्र पुन्हा ही सुनावणी लांबणीवर पडली असून आता 22 ऑगस्टला ही सुनावणी होणार आहे. त्यामुळे या सुनावणीकडे देशाचं लक्ष लागलं आहे.